Félagsfærni er talin mikilvæg í mannlegum samskiptum og daglegu lífi á öllum aldursskeiðum. Það er ekki sjálfgefið að hún sé sjálflærð og því er gott að geta leitað leiða til að efla þessa færni. Félagsfærni er hugsuð meðal annars til að kenna börnum að lynda við aðra, leysa úr vanda og efla félagslegan skilning. Andleg og félagsleg vellíðan, samskipti við náungann og samvinna eru einnig stór partur af félagsfærni ásamt því að kenna það að hafa stjórn á reiði og æsingi.
